ನನ್ನ ಬ್ಲಾಗ್ ಪುಟಕ್ಕೆ ಆತ್ಮೀಯ ಸ್ವಾಗತ, ನಿಮ್ಮ ಅನಿಸಿಕೆಗಳನ್ನು ತಿಳಿಸಿ(ನಿಮ್ಮ ಅನಿಸಿಕೆಗಳೇ ನನ್ನ ಬರವಣಿಗೆಗೆ ಸ್ಪೂರ್ತಿಯಾಗಲಿ) ಫೋಟೋಗಳನ್ನು ನೋಡಲು ನನ್ನ ಫೋಟೋ ಗ್ಯಾಲರಿ ಗೆ ಹೋಗಲು ಇಲ್ಲಿ ಕ್ಲಿಕ್ಕಿಸಿ

Tuesday, August 5, 2008

ಮಧುರ ಕ್ಷಣ!

ಮಲ್ಲಿಗೆಯ ಮೊಗ್ಗಿನ ದಂಡೆಯ ನೀ ಮುಡಿದು ಬರಲು
ಮೊಗದಲಿ ಅರಳಿದೆ ನಗು ಮಲ್ಲಿಗೆ ಹೂವು!
ಜೇನು ತುಂಬಿದ ನಿನ್ನ ಕೆಂದುಟಿಯು ಅದುರತಲಿರಲು
ಹೊರ ಹೊಮ್ಮಿದೆ ಮಧುರ ದ್ವನಿಯು...

ನಿನ್ನಂದಕೆ ನಾ ಮರುಳು
ನಿನ್ನ ಕುಡಿ ಕಣ್ಣೋಟ ನನ್ನಲಿ ಹೊಸ ಬಾವನೆಯ ತಂದಿಹುದು
ಹೃದಯ ಹುಚ್ಚೆದ್ದು ಕುಣಿಯುತಲಿಹುದು..

ನಮ್ಮಿಬ್ಬರ ಕಣ್ಣುಗಳು ಮೌನದಲಿ ಮಾತನಾಡುತಿವೆ ..
ಮಾತುಗಳೇ ಹೊರಡದೆ ನಾವಿಬ್ಬರೂ ಹತ್ತಿರ ಬಂದು
ನಿಂತುಬಿಟ್ಟೆವು ಒಬ್ಬರೊಬ್ಬರ ಕೈ ಹಿಡಿದು!

ಕಸಿವಿಸಿ..

ಹೃದಯ ಇಂದೇಕೆ ತಾಳ ತಪ್ಪಿ ಬಡಿಯುತಿಹುದು
ಮನಸಿನೊಳಗೆ ಹೇಳಲಾಗದ ಕಿರಿ ಕಿರಿಯು ತುಂಬಿಹುದು
ಮೆದುಳಿನಾಳದಲಿ ಮಡುಗಟ್ಟಿಹುದು ನೋವ ಬಿಂದು
ಮಳೆಯ ನಿರೀಕ್ಷೆಯಲಿ ನೊಂದ ಮನವು
ಮಳೆಯ ನೆನೆಯುತಿದೆ !
ಮಳೆ ಹನಿಯೊಳಗೆ ನೆನೆಯುತ ಕಣ್ಣಂಚಲಿ ಜಿನುಗುತಿರುವ ಕಣ್ಣೀರ
ಯಾರಿಗೂ ಕಾಣದಂತೆ ಹೊರ ಹಾಕಲು !