ಪ್ರೀತಿಯಿಲ್ಲದ ಮೇಲೆ

 ಪ್ರೀತಿಯ ಮೊಳಕೆಯೊಡೆದು

ಸಲುಗೆಯ ಸಸಿಯೊಡೆದು

ಹಚ್ಚ ಹಸಿರು ತೆನೆಯೊಡೆದು

ಹೆಮ್ಮರವಾಗಿ ಟಿಸಿಲೊಡೆದು

ಆಕಾಶದೆತ್ತರಕೆ ತಲೆಯೆತ್ತಿ ಹೊರಟಿರಲು

ಬಿಳಲುಗಳು ಭೂಮಿಯತ್ತ ಚಾಚುತಲಿರಲು

ಕೊಡಲಿಯಿಂದ ಭಾಹುಗಳ ಕಡಿದು

ಬೇರುಗಳ ಕಿತ್ತು ಹಾಕಿದವಳು ನೀನು  

ಹಸಿರೇ ಉಸಿರೆಂದವಳು ನೀನು

ನನ್ನುಸಿರು ನೀನೆ ಅಂದವನು ನಾನು

ಭಾನೆಗಳ ಬಣ್ಣದಾಟದಲಿ ಬಡವಾಯ್ತು ಬದುಕು!

ಬೆತ್ತಲಾಗಿದೆ ಭಾವನೆಗಳು

 ನಿನ್ನೆದೆಯ ಕಣಿವೆಯಲಿ

ಸೌಂದರ್ಯದ ಗಣಿಯಲಿ

ಬಿಸಿಯುಸಿರ ಬೆಂಕಿಯಲಿ

ತಾಳತಪ್ಪಿದ ಎದೆ ಬಡಿತದಲಿ

ಹುಡುಕುತಿರುವೆ ಒಲವಿನಾ ಕಿಡಿಯ

ಕೆಂದುಟಿಯ ಜೇನು

ಹೀರುವ ದುಂಬಿ ನಾನು

ಕಣ್ಣ ನೋಟದಲಿ

ಮೈ ಮಾಟದಲಿ

ಹೊಕ್ಕಳ ಆಳದಲಿ

ಬೆತ್ತಲಾಗಿದೆ ಭಾವನೆಗಳು

ನೀ ತೊಟ್ಟ ಸೀರೆಯಲಿ

ಸೊಂಟದ ಡಾಬಿನಲಿ

ಕಣ್ಣಂಚಿನ ಮಿಂಚಿನಲಿ

ಕಾಲ್ಗೆಜ್ಜೆ    ಸದ್ದಿನಲಿ

ಹುಡುಕುತಿರುವೆ ಒಲವ ಕಿಡಿಯ ಮತ್ತೆ 

ಬೆತ್ತಲಾಗಿ ನಿಂತಿವೆ ಭಾವನೆಗಳು ಮತ್ತೆ ಮತ್ತೆ