ಬಾಲ್ಯದಾ ನೆನಪಿಗಾಗಿ

ಬಾಲ್ಯದ ನೆನಪುಗಳು ಕಾಡುತಿವೆ

ಮಣ್ಣಟವಾಡಿದಾ ನೆನಪು

ಜಗಳವಾಡಿ ಮರುಕ್ಷಣವೇ ಒಂದಾದ ನೆನಪು

ಹುಸಿ ಮುನಿಸ ತೋರಿದ ನೆನಪು

ಜಾತ್ರೆಯಲಿ ಬಲೂನ್ ಕೊಂಡ ನೆನಪು...

ಹಾಗೆ ಈ ಫೋಟೋ ತೆಗೆಸಿಕೊಂಡ ನೆನಪು !

ಬಿಡುಗಡೆಯ ಬಂಧ

ಬದುಕಿನ ಜಂಜಾಟಗಳ ತೊರೆದು
ಬಂಧನಗಳ ಬೇಡಿ ತೆರೆದು
ಭಾವನೆಗಳ ಭಾವ ಕರಗಿ
ಕಲ್ಪನೆಗಳ ಪರದೆ ಸರಿದು
ಬಯಕೆಯ ಬೆಂಕಿ ಆರಿದಾಗ
ಜೀವನದ ಬಿಡುಗಡೆಯ ಬಂಧವಾ!?

ಒದ್ದಾಟ

ಬಯಕೆಯ ಬೆಂಕಿಯಲ್ಲಿ

ಮೋಹದ ಬಲೆಯಲ್ಲಿ

ಪ್ರೇಮದ ಗುಂಗಿನಲ್ಲಿ

ಕಲ್ಪನೆಗಳ ಕಂಪಲ್ಲಿ

ಭಾವನೆಗಳ ಸಾಗರದಲ್ಲಿ

ಮಾತಿನ ಮತ್ತಲ್ಲಿ

ಮೌನದ ಮುಸುಕಿನಲಿ ಸಿಕ್ಕಿ ಒದ್ದಾಡುತಿರುವೆ.